Digwyddiad Partneriaeth

Lansiad Partneriaeth Economi Ymweld Cynaliadwy Gwynedd ac Eryri 2035

Strategaeth arloesol newydd yw Cynllun Economi Ymweld Cynaliadwy Gwynedd ac Eryri 2035 sy’n cyflwyno dull hollol wahanol o fesur effaith twristiaeth yng Ngwynedd ac Eryri. Trwy drafodaethau agored a gonest gyda’r rhai sy’n byw ac yn gweithio yn yr ardal, mae’r cynllun yn sefydlu cyfres newydd o egwyddorion sy’n anelu at unioni’r cydbwysedd yn yr ardal, ac yn rhoi cymunedau wrth galon y rhai sy’n elwa o’r economi ymwelwyr.

Bydd y cynllun yn cydnabod pwysigrwydd economi ymweld Gwynedd ac Eryri tra hefyd yn gwarchod y rhinweddau sy’n gwneud yr ardal yn unigryw.

25 Medi, 2023
9:30–12:30
Plas Tan y Blwch, Maentwrog
Mae archebu lle i fynychu wyneb yn wyneb wedi cau ond mae posib archebu lle os am fynychu'r sesiwn ar-lein drwy Zoom

Egwyddorion Ymweld Cynaliadwy Gwynedd ac Eryri 2035

Gweledigaeth: 

"Economi Ymweld er budd a lles pobl, amgylchedd, iaith a diwylliant Gwynedd ac Eryri"

Mae’r maes twristiaeth wedi bod yn derbyn sylw gan y Cyngor fel rhan o flaenoriaethau Cynllun Gwynedd. Mae nifer o drafodaethau wedi eu cynnal i ddatblygu Egwyddorion Economi Ymweld newydd ar gyfer y sir ac Awdurdod Parc Cenedlaethol Eryri gogyfer ar 15 mlynedd nesaf.

Wrth edrych i lunio ein hegwyddorion ar gyfer y dyfodol, rhoddwyd ystyriaeth i ddiffiniad o dwristiaeth cynaliadwy neu gyfrifol Sefydliad Twristiaeth y Byd y Cenhedloedd Unedig (UNWTO): 

“Twristiaeth sy’n cymryd llawn ystyriaeth o’i effaith economaidd, cymdeithasol ac amgylcheddol presennol ac i’r dyfodol, gan ymateb i anghenion ymwelwyr, y diwydiant, yr amgylchedd a chymunedau lleol”. 

Fel rhan o’r broses o ddatblygu Egwyddorion Economi Ymweld Cynaliadwy drafft i Wynedd, ac Eryri ymgymerwyd a sawl darn ymchwil a  gweithgaredd. Bydd y cynllun terfynol yn cael i’w lansio yn ystod Gwanwyn 2022. 

Isod mae cyswllt i’r prif ddarnau o waith cefndirol sydd wedi eu hystyried hyd yma.

- Economi Ymweld Cynaliadwy Gwynedd ac Eryri 2035 - Cynllun Strategol

- Nodyn Briffio 3 ar yr Economi Ymweld yng Ngwynedd ac Eryri 2035 (Haf 2023)

- Nodyn Briffio 2 ar yr Economi Ymweld yng Ngwynedd ac Eryri 2035 (Mawrth 2022)

- Nodyn Briffio 1 ar yr Economi Ymweld yng Ngwynedd ac Eryri 2035 (2022)

- Adroddiad Cabinet Cyngor Gwynedd 14/2/2023

- Cyfarfod Awrdurdod Parc Cenedlaethol Eryri 8/2/2023

- Adolygiad Rheolaeth Cyrchfan

- Ariannu Blaenoriaethau Twristiaeth y Dyfodol 

- Adolygiad Llety Twristiaeth Sirol

- Cyflwyniadau Rhyngwladol ar Dwristiaeth Cynaliadwy (Julian Alps, Slovenia)

- Cynllun Eryri (Parc Cenedlaethol Eryri)

- Strategaeth Parcio a Thrafnidiaeth Yr Wyddfa ac Ogwen

- Podlediadau sydd yn sôn am Twristiaeth Gynaliadwy