Amgueddfa Lechi Cymru

Lleolir Amgueddfa Lechi Cymru yng ngweithdai Fictoraidd hen chwarel Dinorwig, yng nghysgod Mynydd Elidir. Yma, gallwch deithio nôl i weld gorffennol diwydiant a ffordd o fyw sydd bellach yn rhan annatod o hunaniaeth Cymru. Mae’r Gweithdai ac Adeiladau wedi eu cynllunio fel petai'r chwarelwyr a'r peirianwyr newydd roi eu hoffer ar y bwrdd a chychwyn am adref, ac mae’r amrywiaeth o sgyrsiau a chrefftwyr yn dangos eu doniau yn cynnwys hollti llechi, yn rhoi golwg go iawn i chi ar fywyd y chwarel.